important sits


KITE/VICTERS Online Class Live | Youtube Channel | Samagra | User Guide Feedback | Online All Classes in one Page - Click here | https://firstbell.kite.kerala.gov.in/

പരീക്ഷയെ പേടികൂടാതെ നേരിടാന്‍ ടെലി കൗണ്‍സലിംഗ്

പരീക്ഷയെ പേടികൂടാതെ നേരിടാന്‍ ടെലി കൗണ്‍സലിംഗ് പ്രയോജനപ്പെടുത്താം: മന്ത്രി വി.എസ്.ശിവകുമാര്‍
പരീക്ഷയ്ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് നാഷണല്‍ ഹെല്‍ത്ത് മിഷന്റെ 24 മണിക്കൂറും പ്രവര്‍ത്തിക്കുന്ന ടെലി കൗണ്‍സലിംഗ് സംവിധാനം പ്രയോജനപ്പെടുത്താമെന്ന് ആരോഗ്യമന്ത്രി വി.എസ്.ശിവകുമാര്‍ അറിയിച്ചു. പഠനസമയം ക്രമീകരിച്ച്, മാനസിക പിരിമുറുക്കം ഒഴിവാക്കി പരീക്ഷയെ ശാസ്ത്രീയമായി നേരിടാന്‍ 10 മന:ശാസ്ത്രജ്ഞരുടെ പാനലിനെയാണ് കൗണ്‍സിലിംഗിനായി നിയോഗിച്ചിട്ടുള്ളത്. ബിഎസ്എന്‍എല്‍ ടോള്‍ ഫ്രീ നമ്പര്‍ '1056'. മറ്റ് ഫോണുകളില്‍ നിന്നാണെങ്കില്‍ '04712552056'. ഡയല്‍ എ ഡോക്ടര്‍ പദ്ധതിയുടെ സേവനവും വിദ്യാര്‍ത്ഥികള്‍ക്ക് പ്രയോജനപ്പെടുത്താം. പഠനകാര്യങ്ങള്‍ക്കുപുറമേ, ആരോഗ്യസംബന്ധമായ സംശയങ്ങള്‍, പ്രഥമശുശ്രൂഷ, ചികിത്സ, രോഗപ്രതിരോധം മുതലായവയെക്കുറിച്ചുള്ള വിവരങ്ങളും കോള്‍ സെന്ററിലെ ഡോക്ടറോട് ചോദിക്കാം. വിവിധ സ്‌പെഷ്യാലിറ്റി വിഭാഗങ്ങളില്‍ ഉള്‍പ്പെട്ട 74 ഡോക്ടര്‍മാരുടെ വിദഗ്ദ്ധ പാനലിനെയാണ് ഡയല്‍ എ ഡോക്ടര്‍ പദ്ധതിക്കുവേണ്ടി നിയോഗിച്ചിട്ടുള്ളത്. ഓരോ ദിവസവും എട്ടോളം ഡോക്ടര്‍മാരുടെ സേവനം ലഭ്യമാക്കിയിട്ടുണ്ട്. കോളുകള്‍ സ്വീകരിക്കുന്നതിന് വിദഗ്ധ പരിശീലനം ലഭിച്ച 21 കൗണ്‍സിലര്‍മാരെയും നിയമിച്ചിട്ടുണ്ട്. കഴിഞ്ഞവര്‍ഷം ഫെബ്രുവരിയില്‍ ആരംഭിച്ച ഈ പദ്ധതിയില്‍ ഇതുവരെ 97,134 കോളുകള്‍ ലഭിച്ചതായി മന്ത്രി അറിയിച്ചു. പരീക്ഷാ ടെലി കൗണ്‍സിലിംഗ് ജൂണ്‍ അവസാനം വരെ തുടരുമെന്നും അദ്ദേഹം പറഞ്ഞു.

No comments:

Post a Comment

പോസ്റ്റ് ഉപകാരപ്പെട്ടോ ......??? അറിയിക്കുമല്ലോ.....

Followers